മേടക്കൂറ്: കാര്യങ്ങൾ വിചാരിച്ച രീതിയിൽ മുന്നോട്ടുപോകണമെന്നില്ല. പലവിധ തടസ്സങ്ങളും നിരാശയും മാനസിക അസ്വസ്ഥതയും അനുഭവപ്പെട്ടേക്കാം. മറ്റുള്ളവരുമായുള്ള അഭിപ്രായവ്യത്യാസങ്ങൾ ഒഴിവാക്കണം. അപകടസാധ്യതയുള്ള യാത്രകളിൽ പ്രത്യേക ജാഗ്രത പുലർത്തുക. ഇരുചക്രവാഹനം ഓടിക്കുന്നവർ കൂടുതൽ ശ്രദ്ധിക്കണം.
ഇടവക്കൂറ്: പഠനത്തിലും വ്യക്തിപരമായ കാര്യങ്ങളിലും പ്രതീക്ഷിച്ച വിജയം ലഭിക്കാൻ പ്രയാസമുണ്ടാകാം. പരീക്ഷകളിൽ തിരിച്ചടികൾ നേരിടാനും പുതിയ കോഴ്സുകളിൽ പ്രവേശനം നേടാനുള്ള ശ്രമങ്ങൾ നീണ്ടുപോകാനും സാധ്യതയുണ്ട്. മനഃപ്രയാസം ഒഴിവാക്കാൻ ക്ഷമയോടെ മുന്നോട്ടുപോകുക.
മിഥുനക്കൂറ്: അനുകൂല സാഹചര്യങ്ങൾ പലതും ഒത്തുചേരുന്ന ദിവസമാണ്. ഏറ്റെടുത്ത ജോലികൾ പൂർത്തിയാക്കാനും മത്സരങ്ങളിൽ വിജയിക്കാനും സാധിക്കും. സമൂഹത്തിൽ അംഗീകാരം ലഭിക്കാം. ആരോഗ്യവും മെച്ചപ്പെടും. ഏറെ നാളായി ലഭിക്കാനുള്ള പണം തിരികെ ലഭിക്കുന്നത് സാമ്പത്തിക ആശ്വാസം നൽകും.
കർക്കടകക്കൂറ്: ജോലികളിൽ തടസ്സങ്ങളും വ്യക്തിബന്ധങ്ങളിൽ അസ്വാരസ്യങ്ങളും ഉണ്ടായേക്കാം. മറ്റുള്ളവരുമായി തർക്കത്തിലേർപ്പെടുന്നത് ഒഴിവാക്കുക. മേലധികാരികളുടെ അതൃപ്തിക്ക് കാരണമാകുന്ന സാഹചര്യങ്ങൾ ഉണ്ടാകാം. വാക്കുകളിലും പ്രവൃത്തികളിലും നിയന്ത്രണം പാലിക്കുന്നത് ഗുണം ചെയ്യും.
ചിങ്ങക്കൂറ്: തൊഴിൽപരമായ കാര്യങ്ങളിൽ മുന്നേറ്റം പ്രതീക്ഷിക്കാം. മത്സരങ്ങളിൽ വിജയം നേടാനും പ്രവർത്തനങ്ങൾക്ക് അംഗീകാരം ലഭിക്കാനും സാധ്യതയുണ്ട്. ജോലി തേടുന്നവർക്ക് അനുകൂല വാർത്തകൾ ലഭിച്ചേക്കാം. ആരോഗ്യവും ഭക്ഷണസുഖവും മനസ്സിന് സന്തോഷം നൽകും.
കന്നിക്കൂറ്: ചില പ്രതീക്ഷകൾക്ക് മങ്ങലേൽക്കാൻ സാധ്യതയുണ്ട്. യാത്രകളും അനാവശ്യ ചെലവുകളും വർധിച്ചേക്കാം. ചെറിയ അപകടങ്ങളോ ശാരീരിക അസ്വസ്ഥതകളോ ഉണ്ടാകാതിരിക്കാൻ ശ്രദ്ധിക്കണം. അടുപ്പമുള്ളവരുമായുള്ള അകൽച്ച വിഷമമുണ്ടാക്കാം.
തുലാക്കൂറ്: വിജയവും സാമ്പത്തിക നേട്ടവും പ്രതീക്ഷിക്കാവുന്ന ദിവസമാണ്. മത്സരങ്ങളിൽ മികവ് തെളിയിക്കാനും യാത്രകളിലൂടെ നേട്ടങ്ങൾ സ്വന്തമാക്കാനും കഴിയും. പ്രവർത്തനങ്ങൾക്ക് അംഗീകാരം ലഭിക്കും. ബന്ധുക്കളുമായും സുഹൃത്തുക്കളുമായും ഒത്തുചേരാൻ അവസരമുണ്ടാകും.
വൃശ്ചികക്കൂറ്: തൊഴിൽരംഗത്ത് പുതിയ ഉയരങ്ങളിലേക്ക് എത്താൻ അവസരമുണ്ടാകാം. സ്ഥാനക്കയറ്റത്തിനും ബിസിനസിൽ ലാഭത്തിനും സാധ്യതയുണ്ട്. മത്സരങ്ങളിൽ വിജയം നേടാൻ സാധിക്കും. പുതിയ പദ്ധതികൾക്കും അവസരങ്ങൾക്കും തുടക്കം കുറിക്കാൻ അനുകൂലമായ സമയമാണ്.
ധനുക്കൂറ്: ആഗ്രഹിച്ച കാര്യങ്ങൾ നടക്കാതെ വരുന്നത് മനസ്സിനെ അലട്ടിയേക്കാം. സുഹൃത്തുക്കളുമായുള്ള ബന്ധത്തിൽ അകൽച്ചയോ അഭിപ്രായവ്യത്യാസമോ ഉണ്ടാകാം. അനാവശ്യ വാക്കുതർക്കങ്ങൾ ഒഴിവാക്കുകയും പ്രധാന തീരുമാനങ്ങൾ എടുക്കുമ്പോൾ ശ്രദ്ധ പുലർത്തുകയും ചെയ്യുക.
മകരക്കൂറ്: കൂടുതൽ കരുതലോടെ മുന്നോട്ടുപോകേണ്ടതുണ്ട്. എതിരാളികളുടെ ശല്യവും സാമ്പത്തിക നഷ്ടങ്ങളും ഉണ്ടാകാൻ സാധ്യതയുണ്ട്. യാത്രകൾ തടസ്സപ്പെടുകയോ നിശ്ചയിച്ച കൂടിക്കാഴ്ചകൾ മുടങ്ങുകയോ ചെയ്യാം. ആരോഗ്യത്തിലും സുരക്ഷയിലും ശ്രദ്ധ നൽകുക.
കുംഭക്കൂറ്: പരീക്ഷകൾക്കും മത്സരങ്ങൾക്കും തയ്യാറെടുക്കുന്നവർക്ക് അനുകൂല ദിനമാണ്. ശ്രമങ്ങൾക്ക് വിജയം ലഭിക്കുകയും അംഗീകാരം തേടിയെത്തുകയും ചെയ്യും. എതിരാളികളെ മറികടക്കാൻ സാധിക്കും. പുതിയ പഠനകോഴ്സുകളിൽ പ്രവേശനം ആഗ്രഹിക്കുന്നവർക്ക് പ്രതീക്ഷ നൽകുന്ന സാഹചര്യങ്ങൾ ഉണ്ടാകാം.
മീനക്കൂറ്: സന്തോഷകരമായ അനുഭവങ്ങളും നേട്ടങ്ങളും പ്രതീക്ഷിക്കാം. ആഗ്രഹിച്ച കാര്യങ്ങൾ സഫലമാകാനും അംഗീകാരം ലഭിക്കാനും സാധ്യതയുണ്ട്. ആരോഗ്യകാര്യങ്ങളിൽ ആശ്വാസമുണ്ടാകും. സൽക്കാരങ്ങളിലും കുടുംബസംഗമങ്ങളിലും പങ്കെടുക്കാനും ഇഷ്ടഭക്ഷണങ്ങൾ ആസ്വദിക്കാനും അവസരം ലഭിച്ചേക്കാം.
